TÖMER o‘zi nima?
TÖMER(Türkçe Öğretimi Uygulama ve Araştırma Merkezi) oʻzbek tilida esa “Turk tilini o’rgatish va tadqiqot markazi” desa ham bo‘ladi. Ya’ni Turkiyaga keluvchi Xalqaro talabalarga turk tili o’rgatish markazi.
TÖMER sertifikati imtihoni xorijliklarning turk tilini o‘zlashtirganlik darajasini tekshiruvchi imtihon hisoblanadi. Imtihon xalqaro mezonga koʻra 4 koʻnikmasini(oʻqib tushunish, yozish, tinglash va muloqot) baholashga asoslanadi.
TÖMER sertifikati (Tömer Sertifika Sınavı)– sertifikat sohibining turk tilini bilish darajasi qayd etilgan, rasmiy maqomga ega hujjat hisoblanadi.
Siz Turkiyaning istalgan davlat universitetlarida o’qimoqchi bo‘lsangiz sizda YÖK(Yüksek Öğretim Kurumu) tomonidan tan olinadigan yoki o‘qimoqchi bo‘lgan universitetingiz tomonidan berilgan TÖMER sertifikati bo‘lishi shart. Ha aytgancha, aksariyat xususiy universitetlar ham bunaqa sertifikatni talab qilishi mumkin.
TÖMER kurslari o‘zi 6 ta saviyadan iborat: A1, A2, B1, B2, C1, C1+(C2). Odatda sizdan bu saviyalarning beshta yoki to‘rtta saviyasini o‘qish talab qilinadi.
TÖMER kurslari pullikmi? Albatta!
Karabük universiteti misolida aytadigan bo‘lsam har bir saviya(bosqich) uchun hozirgi paytda 950 TL to‘lanadi. Siz TÖMER kurslarini to‘liq o‘qib chiqaman desangiz o’rtacha 8 oy sarflaysiz.
Ulug‘bek ALIMOV,
turkona.uz muxbiri
